Otxandion gaur 11:00etan egin dute kargu hartze ekitaldia udalbatza aretoan. EH Bilduko Egoitz Garmendiak hartu du berriro aginte makila eta bigarren legegintzaldia beteko du Otxandioko alkate moduan. "Osatu dugun lan talde berrituak, beste lau urtez ilusio eta lanerako oraindino gogo gehiagogaz jarraitzeko indarra ematen digu. Eskerrik asko bihotzez hau posible egin duzuen denoi", adierazi du.
