Alkategaia aukeratzeko prozesu parte hartzailea burutu da Otxandion, eta 40 herritarrek egin dituzte izen proposamenak. Otsailaren 8an egindako herri batzarrean eman zen bukatutzat prozesua, eta Egoitz Garmendia Vera izan zen aukeratua.
Herrian alokairuzko etxebizitzen promozioa aurrera eramatea, kontsultorio berria eta pediatria zerbitzua martxan jartzea, eraikin eta aisialdi guneak eraberritzen jarraitzea (gimnasioa, kultur-etxea, plazako frontoia, udaletxea), eta Otxandioko epe ertaineko etorkizuna finkatuko duen garapen plana finkatzea kokatu ditu lehentasun gisa, EH Bilduk ohar batean informatu duenez.
Hauteskunde zerrenda osatuko duten pertsonak izendatzeko prozesua martxoan izango da.