Musika eta olinpiadak biharko Gazte Egunean

Bihar Gazte Eguna ospatuko dute Otxandioko gazte asanbladak eta Gaztetxeak antolatuta. Musika izango da protagonista nagusietako bat, eta 22:00etatik aurrera lau musika kontzertu antolatu dituzte: Kohatu, Desore, Ardi baltzak eta Lau P4 taldeak arituko dira zuzenean. Ekitaldiz betetako egunaren errematea izango dira musika kontzertuak. Eguerdian trikipoteoa izango dute, eta gero, bazkaria. Arratsalden, 18:00etatik aurrera, ohiko jokoak edo olinpiadak egingo dituzte plazan. 20:00etan Otxandioko Batukotx batukada taldeak emango dio jarraipena jai giroari. Musika kontzertuez gainera, 23:00etatik aurrera, mariatxiak kalerik kale ibiliko dira euren musikagaz, herriko tabernariek antolatuta.