Otxandioko Gaztetxeko kideek stand bat jarriko dute zapatu honetan, 18:00etan, udaletxe pareko plazan. Gaztetxeak 15 urte egingo ditu aurten eta ekainaren 4an antolatuko duten jai egunari begira, apurka giroa sortzea eta herritarrak informatzea dute helburu. Horrela, ekainaren 4rako antolatu dituzten ekintzen berri emango dute standean. Urteurrenaren harira ateratako materiala erosteko aukera ere egongo da: kamisetak, amantalak, poltsak, umeentzako body-ak… Postuaren ondoan telebista bat egongo da urteurrenaren harira sortutako bideo bategaz. Azkenik, photocall bat ere prestatu dute, gaztetxeko logo berriagaz argazkiak ateratzeko aukera eskainiz.
Otxandioko Gaztetxeko urteurrenaren berri emango dute bihar
Gaztetxeak 15 urte egingo ditu ekainaren 4an eta egun horri begira zer prestatu duten jakin gura duenak, zapatu arratsaldean du horretarako aukera. Plazan stand bat jarriko dute egitarauaren berri eman eta urteurrenari lotutako materiala saltzeko.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!