Laguntzak bi ekintzaile motari zuzenduta daude, eta, kasu bietan, plazak mugatuak dira. Batetik, negozio-ideia bat dutenei ideia hori garatzen lagunduko diete; lau plaza daude. Bestetik, ideia hori definituta eta bideragarritasun plana eginda dutenei, hurrengo hilabeteetan negozioa martxan jartzen lagunduko diete. Plaza bi daude arlo horretarako.
Laguntza teknikoa jasotzeaz gainera, ekintzaileek diru-laguntzak ere lor ditzakete, Lanbidetik. Otxandio udalerrian zein beste sei herritan Zuiako Koadrilla da Lanbideren deialdia gauzatzeko erakunde laguntzailea. Beraz, izen-ematea Zuiako Koadrillan egin behar da. Horretarako epea urriaren 27an amaitzen da, eta helbide elektroniko honen bidez egin daiteke izen-ematea: economia@cuadrillazuia.com.