Alde batetik, argiteriaren mantenua, horretan aditua den enpresa batek egitea gura dute, eraginkorragoa delakoan. Mantenuaz gainera, udalari energia kontsumoa jaisten laguntzeko irizpideak ere gehitu dizkiote baldintza orriari. Hau da, enpresa aditu horrek udaleko argiteria sarean energia kontsumoa jaisteko neurriak proposatu beharko dizkio udalari. Proposamen horien eraginkortasunak ordainketa baldintzatuko du. Baldintza hori aldagai moduan hartuta, aurrezten den energia kantitatearen arabera, udalak enpresa horri gehiago edo gutxiago ordainduko dio.