Musika, bazkaria eta ume jolasak Udaberri Jaian

Anboto 2014ko apirilaren 11
Deskargatu Info Ahotsak :

Zapatuan, Udaberri jaia ospatuko dute Otxandion goizetik gauera luzatuko den egitarauagaz. 11:00etan, umeentzako jolasak izango dituzte plazan: besteak beste, zirku tailerra, puzgarriak, aurpegi margoketa, eskalada tailerra eta motor lasterketak egongo dira aukeran. Eguerdiko 13:30etik aurrera triki-poteoari ekingo diote, eta, 15:00etan, elkartasun bazkarian batuko dira Mainondoko kiroldegian.

 

Bazkalostetik aurrera musika izango da nagusi. 19:00etan Izargi taldeak dantzarako gonbita egingo du, baina ez da talde horren saio bakarra izango; izan ere, Mandoilek taldeak 23:00etatik aurrera emango duen kontzertuaren ostean, Izargik beste dantzaldi bat eskainiko du.

Herririk herri Otxandio
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!