Gune geografiko euskaldunek euskararen normalizazio prozesuan duten garrantziaz jabetzeko, eta toki horietan eragiteko helburuz herriz herri tailerrak diseinatu dituzte Kontseiluak, Bertsozaleen Elkarteak, EHEk, EMUNek, Topaguneak eta UEMAk. Hurrengo tailer biak Otxandion izango dira: apirilaren 3an eta 10ean, 18:00etatik 20:00etara, Andresa Landan. Otxandioko Euskara Batzordeak herritarrei tailerretan parte hartzeko deia egin die, “Otxandio benetako euskararen arnasgune bihurtzeko”. Herri bat arnasgunea dela esaten da, herri horretan hizkuntza bat erabilera arrunteko hizkuntza denean kaleko bizitzan, auzoan, familian, lagunartean zein lan munduan.
Apirilaren 3ko tailerrean arnasguneak zer diren eta zer garrantzi duten azalduko dute. Apirilaren 10ean herri mailan eragiteko esparruak definitu, eta aurrera begirako plangintza osatu gura dute.