Hileta zibilak egiteko hiru gune bideratu dituzte: gimnasioa eta bolalekuko aretoa, toki itxian egin gura dutenentzat, eta bolaleku ondoko parkea, aire librean. Hileta eta omenaldi zibilak asteko edozein egunetan egin ahalko dira, 09:00etatik 14:00etara eta 17:00etatik 20:00etara. Eskaerak udaletxeko erregistroan aurkeztu behar dira, hainbat daturekin batera: eguna eta ordua, tokia, eta izen-abizenak, adibidez.
Eskatzaileak udal eraikinak erabiltzeko indarrean dagoen tasa ordaindu beharko du, udaletxean bertan edo transferentzia bidez: Otxandion erroldatuta daudenek 50 euro ordainduko dituzte aste barruan eta 70 euro asteburu eta jaiegunetan; Otxandion erroldatuta ez daudenek, berriz, 100 euro astegunetan eta 120 euro asteburuetan eta jaiegunetan. Eskatuz gero, udalak megafonia, mahaiak eta aulkiak utziko ditu.