Otxandioko margo lehiaketak 25. aldia egingo du domekan. Parte hartzea irekia da. Euskarriak zigilatzeko tartea 09:00etatik 10:00etara irekiko dute plaza ondoko bolalekuan.
Lanak osatzeko gaia librea da eta margolariek jarraitu beharko duten betekizun bakarra artelana Otxandio herrigunean edo haren inguruetan marraztea da. Lanak 14:00 baino lehen aurkeztu behar dira bolalekuan.
Sari banaketa 18:30ean egingo dute. Sariei Pertsona Fisikoen Errentaren gaineko Zerga (PFEZ) atxikipena egingo diete (%21). Horrela, irabazleak 553 euro jasoko ditu; bigarren sailkatuak 237 euro eta hirugarrenak 276,5 euro. Herriko lanik onena 158 eurogaz sarituko dute. Lanak aurkeztu dituzten guztiei bazkaria ordainduko die udalak.
Lehiaketara aurkezten diren lan denekin salmenta-erakusketa antolatuko dute.