Ondarearen Europako Jardunaldien barruan, hitzaldi eta bisita gidatu bana daude gaur eta bihar.
Ondarearen Europako Jardunaldien barruan, gaur eta bihar hitzaldi eta bisita gidatu bana egongo dira Otxandion. Gaur, 19:00etan, Iñaki Uriarte arkitektoak Frontoiko plaza, euskal agora izeneko hitzaldi-diaporama (gaztelaniaz) saioa eskainiko du. Bihar, aldiz, Hiribildua berritzen izeneko bisita gidatua egingo dute 12:30ean, plazan bertan. Beste hitzaldi bat ere badago urriaren 26an, Alberto Santanak giza esparru publikoen gainean eskainiko duena.
Jardunaldi horietan jorratzen den gaiak gaurkotasuna du Otxandion, urriaren 18an (19:00etan) udalak Plaza Nagusia birgaitzeko proeiktua aurkeztuko duelako plazan bertan. Orduan herritarren iritziak jasoko dituzte, behin betiko proiektua osatzeko.