Izena aurrez emanda, hiru euro merkeagoa da.
Miru-Gain mendigoizale elkarteak Uren Jaitsiera iraupen luzeko ibilaldiaren laugarren ekitaldia antolatuko du irailaren 14rako. Hilaren 11ra arte dago aurrez izena emateko epea: federatuentzako 12 euro eta federatu gabekoentzako 17 euro. Ibilaldiaren egunean bertan ere apuntatu daiteke, baina hiru euro garestiagoa izango da: 15 eta 20 euro, hurrenez hurren. Izen-ematearen gaineko xehetasunak honako gune honetan daude:
mirugain.wordpress.com.
47 kilometroko luzera eta 2.400 metroko desnibel positiboa dituen ibilbidean zehar herria ureztatzen duten inguruko mendiak igaroko dituzte. Oinezkoek 07:00etan ekingo diote ibilbideari herriko plazatik, eta korrikalariek 08:00etan. San Bernabe, Motxotegi, Altun, Saibi, Urkiolamendi, Anboto, Izpizte, Orixol eta Mirugain mendiak igaroko dituzte, Otxandiora itzuli aurretik. Urkiolako Santutegiaren ondoan anoa postua ipiniko dute askotariko edari eta janariagaz.