Korrikaren harira antolatutako lehen ekitaldia gaurko bakarrizketa saioak dira, Mainondon.
Korrikaren harira Otxandion sortu duten batzordeak egitarau zabala antolatu du datozen egunetarako. Gaur, 19:00etan, Euskalduna naiz eta arraro nago bakarrizketa saioak egongo dira Mainondoko gimnasioan.
Hilaren 17rako, berriz, Korrikaren inguruko jaia antolatu dute goizetik eguerdira arte. Goizeko 11:30ean, Korrikaren inguruko tonbola abiatuko dute. 12:00etan, gaztetxoei begirako jolasak egingo dituzte plazan. Ondoren, 12:30 inguruan, pintxo jana egiteko aukera eskainiko dute, eta 13:30ean, Korrikaren aurkezpena egingo dute.
Martxoaren 20an, Korrika Otxandiotik sartuko da Durangaldean. Aurreikusitako ordutegian badabiltza, 11:58an igaroko da. Korrika Baionan amaituko da hilaren 24an, eta bertarako autobusa antolatu dute: udaletxean eman daiteke izena, hilaren 20a baino lehen.