Azaroaren 30ean, bertso afaria antolatu dute Mainondo ikastetxeko gimnasioan. Jon Maia eta gaur egungo Euskal Herriko bertsolari txapelduna, Maialen Lujanbio, ibiliko dira bertsotan, eta Asier Ibaibarriagak jarritako gaien inguruan jardungo dute.
Bertso afaria 21:30ean hasiko da, eta sarrerak Fonda tabernan egongo dira salgai datorren martitzenera arte. Ekimena Otxandioko Udal Euskara Batzordeak eta Otxandioko Gazte Asanbladak antolatu dute.
Bertso afarian herri ginkanako sari banaketa egingo dute. Irabazleek jasoko dituzten sariez gain, aurten, nobedade moduan, beste bost sari banatuko dituzte parte-hartzaile guztien artean. Parte-hartzea sustatzea da helburua. Hala, astebururen batean galderei erantzun ez arren, inor ez da aukera barik geratuko; beti dago zer edo zer irabazteko aukera.