HABEko azterketak (1., 2. eta 3, maila) eta EGA prestatzeko ikastaro bereziak antolatu dituzte. Baita Berbalagunegaz mintzapraktikarako saioak. Diruz lagundutako ikastaroak dira; ordutegia, berriz, ikasle eta antolatzaileen artean adostuko dute.
Eskolarako matrikuletarako 300 euro inguruko diru-atala gorde du Udalak. Berbalaguna, berriz, doan izango da. Otxandion edo bertotik kanpo (barnetegian nahiko ohiko ikastaroetan) euskara ikasten duren otxandiarrek eskatu dezakete diru-laguntza. Herrian erroldatua egotea ezinbesteko baldintza da horretarako. Era berean, matrikula ordainduta izan behar du eskatzaileak eta gutxienez %80ko asistentzia egiaztatzea. Zerga betebeharraj egunean izatea ere eskatuko du udalak.
Euskara Zerbitzuaren bitartez egin daiteke diru-laguntza eskaria (euskarabatzordea.otxandio@bizkaia.org / 945 45 00 20), edota udaletxeko lehatilan. Horretarako epea irailaren 14a bitartean dago zabalik (2011-2012 ikasturtekoak). Ikastaroagatik emandako diru-laguntza, matrikularen kostuaren %50ekoa izango da gehienez, argitu dutenez. Udalak urte horretako aurrekontuan gordetako dirua banatuko da eskatzaileen artean.