Udalaren eskaerak aintzat hartuz, Alsa autobus konpainiak hainbat hobekuntza egingo ditu zerbitzua hobetzeko helburuagaz.
Alsak jakinarazi dienez, hitzarmen bat adostu dute Gasteizko Audisa eta Legutioko Garaigordobil autobus konpainiekin. Horrela, autobusa beteta datorren aldiro, beste bat ipiniko dute errefortzurako, gehienez bost minuturen barruan.
Horregaz batera, autobus linea horien arduradunek telefonoak udalaren eskura jarri dituzte. Beraz, edozein gertakizunen aurrean, erabiltzaileek udalera deitu ahal dute argibide eske.
Gainera, autobus erabiltzaileei bidai-txartelen kudeaketa erraztu guran, bono berezi bat aterako dute.