Udalak ikastaro bana prestatu ditu argazkigintza eta nekazaritza ekologikoa ikasteko. Apiriletik ekainera bitartean izango dira bi ikastaro horiek. Gaur Nafarroa Erresumaren gaineko hitzaldia egongo da.
Ortuak zaintzen: nekazaritza ekologikoa praktikoa eta teorikoa izango da. Hamabost egunerik behin, martitzenetan, 17:00etatik 20:30etara. Izena emateko, apirilaren 16ra arte dago aukera: 20 euro erroldatuek eta 26 euro gainerakoek.
Argazkilaritza aurreratua izenekoan, Reflex kamera batek eskaintzen dituen funtzio guztiak erakutsiko dira. Klaseak barikuro izango dira, 17:00etatik 19:00etara. Hilaren 18a da izena emateko azken eguna: 15 euro erroldatuek eta 19 gainerakoek.
Bestalde, gaur, 19:00etan, Nafarroako Erresumaren inguruko hitzaldia eskainiko dute 1512-2012 Nafarroa Bizirik eta Jalgi Hadi Garaipenera elkarteko kideek, gaztetxean.