Barikutik domekara, Durangaldeko Gazte Topaketak hartuko ditu Otxandiok.
Azaroaren 11n, 18:00etan, Nola pentsatzen dugu gazteok? hitzaldia eskainiko dute harrera ekitaldiaren barruan. Ondoren, 21:00ak aldera, luntxa prestatu dute, eta 22:00etan Hamaika Bertute ekimeneko bertsolari gazteek bertso saioa eskainiko dute.
Zapatuan asanbladan batuko dira 10:30ean; segidan, lan taldeak prestatuko dituzte demokrazia parte-hartzaileari eta auzolan eta komunitateari buruz berba egiteko. 14:00etako bazkariagaz indarberritu ondoren, 16:30ean tailerrak egongo dira. Eguna errematatzeko, 22:00etan, gaubela egingo dute.
Autogestiori buruz
Domekan azkeneko batzar irekia egingo dute, 10:00etan, eta 11:00etan Autogestioa izeneko hitzaldia eskainiko dute. Bazkari baten bueltan agurtuko dute Durangaldeko Gatze Topaketen aurtengo aldia. J.D.