Otxandion VII. Mendi Bizikleta Martxa ospatuko dute irailaren 10eko larunbatean. 40 kilometroko martxa horretan parte hartzeko izen ematea irailaren 8ra artekoa da. Udaleko webgunean (Otxandio.net) izen-emate orria eskuragarri dago.
Bestela, martxaren egunean bertan, proba hasi aurretik, izena emateko aukera ere izango da. Federatuentzako 10 euro izango da izen ematea eta federatuta ez daudenetzako 12 euro.
izaera lehiakorrik ez duen martxa 09:30ean hasiko dute plazatik eta hantxe bertan helmugaratuko dira. Haurrentzako eta bizikletan ibiltzeko ohitura gutxiago dutenentzako, zailtasun txikiagoko ibilbide bat prestatuko dute.