Nestor Basterretxearen eskultura eraikitzeko lanak ere eman dituzte
Nestor Basterretxearen eskultura eraikitzeko lanak ere eman dituzte
Andikona plaza eraberritzeko bigarren faseko lanak adjudikatu berri ditu udalak. Atal honetan obra zibila amaitzeko egiteko dagoena kokatzen da: argiteria, errementaritza eta zurgintza lanak. Guztira, 75.000 euro inguruko aurrekontua dute.
Nestor Basterretxearen eskultura eraikitzeko lanak ere emanak daude; 18.000 euroko aurrekontua dute. Gainera, bonbardaketan hildako guztien izenak jasoko dituen horma ere eraikiko dutela adierazi dute udal arduradunek. Bonbardaketaren 75. urteurrenari begirako gainerako ekimenak ere martxan daudela azaldu dute.
Korrika
Otxandiotik ez da pasatuko aurten AEKren ekimena, baina Korrika batzordeak egitaraua eratu du gaurko. 18:30ean bost kilometroko lasterketa hasiko da, eta gauean lagun arteko afaria egingo dute Mainondon.