Otxandioko Udalak Mainondoko eskolan hainbat lan egiteko asmoa dauka, eta hauek burutzeko laguntza jaso du Eusko Jaurlaritzatik
Otxandioko Udalak Mainondoko eskolan hainbat lan egiteko asmoa dauka, eta hauek burutzeko laguntza jaso du Eusko Jaurlaritzatik.
Lanen baitan gimnasio berriko sonoritatea hobetzea sartzen da.
Eskolako funtzioetaz gainera, hainbat ekitaldi egiten dira gimnasioan: antzerkiak, bertso saioak... \"Sonoritate nahiko txarra\" daukala azaldu digu Aritz Otxandiano alkateak, eta horregatik egingo dituztela lanak. Besteak beste, panel batzuk egokituko dituzte.
Hobekuntza horietarako inbertsioa 17.000 eurokoa da, eta udalak adjudikatu ditu lanak, udalbatzarrean onartuta.