Zine zaharraren eraikinean mediku kontsultategi berria sortu gura du udalak, eta proiektua gauzatu ahal izateko lehenengo urratsa eman zuen joan zen asteko udalbatzarrean: desjabetza prozedurari ekiteko erabakia hartzea.
Zine zaharraren eraikinean mediku kontsultategi berria sortu gura du udalak, eta proiektua gauzatu ahal izateko lehenengo urratsa eman zuen joan zen asteko udalbatzarrean: desjabetza prozedurari ekiteko erabakia hartzea.
Aritz Otxandiano alkatearen esanetan, \"desjabetza espedientea hasi arren, asmoa jabeekin lagun arteko akordiora ailegatzea da\". Laster haiekin hartu-emanetan ipiniko direla argitu digu alkateak, egon daitezkeen aukerak aztertzeko.
Egungo kontsultategia etorkizunean \"txiki\" geratu daitekeela-eta, zerbitzua eraikin berri batera eroan gura du udalak. Gainera, pediatria zerbitzua ere ipini gura dute, lekua aprobetxatuz.
Proiektua, pausuz pausu
75.000 euro ditu udalak aurtengo aurrekontuetan horretara bideratuta; Otxandianok azaldu du \"astiro-astiro\" pausuak ematen joan gura dutela. Izan ere, inbertsiorako dirua Eusko Jaurlaritzak ipini beharko luke, eta \"krisi garaiotan ez dakigu zer geratu daiteken\", alkateak dioenez. Desjabetzaren ondoren, diru-laguntza eskatzea litzateke hurrengo pausua; gero proiektua diseinatzea. Amaitzeko, \"inbertsioa noiz egin\" Jaurlaritzagaz zehaztuko litzateke.