Irailaren 11ko zapaturako mendi bizikleta martxa antolatu du udalak.
Irailaren 11ko zapaturako mendi bizikleta martxa antolatu du udalak. Aurretiaz izena eman gura duenak www.otxandio.net-en egin dezake inskripzioa, irailaren 10era arte. Federatuentzako 10 euro da izen-ematea, eta federatuta ez daudenentzako 12 euro.
Martxan parte hartzeko asmoz bertaratzen direnek pilotaleku inguruan eta igerilekuetan utzi dezakete autoa. Izaera lehiakorrik ez duen martxa plaza nagusitik abiatuko da, 09:30ean.
Ibilbidea Otxandion hasi eta amaituko da, eta 40 kilometroko luzera du. Mirugainetik itzulian, Astakurutz eta Presazelai pasa eta Motxotegi inguratuko dute parte-hartzaileek. Azpikoarritik aurrera, Otxandio ondotik Kondebasorantz joango dira eta handik berriro hartuko dute helmugaranzko norabidea, Otxandiora bidean.