Otxandio Herri Eskolan eskola eguna ospatuko dute gaur, guraso elkarteak antolatuta.
Otxandio Herri Eskolan eskola eguna ospatuko dute gaur, guraso elkarteak antolatuta.
11:00etan gurasoei ateak zabalduko dizkiete eta gura duenak azpiegiturak bisitatuko ditu. Segidan, 11:30ean, gimnasioan batuko dira eta gaztetxoek antolatutako ikuskizunekin (kantuak, antzerkia…) gozatzeko aukera izango dute.
Ondoren, 13:00etan kolpbol partidua jokatuko dute frontoian gurasoek gaztetxoen kontra. Joko hori valentziar batek asmatu zuen eta futbolaren antzekoa da, baina baloia eskuekin jokatzen da.
Eguerdian, 14:30ean, bazkaritara batuko dira plazan eta, 17:00etan, pilota partiduak jokatuko dituzte. Ondoren, 18:30ean, DJ Thobben eta Lore Power taldeek musika elektronikoa eskainiko dute. Azkenik, txokolatada egingo dute.