In enbarazu ta zabaldu Gaztetxeko atiek goiburuarekin kanpaina berria jarri dute martxan herritarrak Gaztetxera hurreratzera gonbidatzeko.
Orain lau-bost aste herriko kaleetan lau ate ipini zituzten. Egun batzuetara herriko ateetako heldulekuetan kanpainaren lema jartzen zuen dokumentua zintzilikatu zuten. Hoteletan erabiltzen den sistema baliatuz, “enbarazu” egitera animatu dituzte otxandiarrak: “Gizarte honetan mugitzeak eta enbarazu egiteak daukan garrantzia kontuan izanik, enbarazu egitera gonbidatzen ditugu”. Hoteletako “no molestar” esaldiari buelta eman eta “modu positiboan” enbarazu egitea da eskatzen dutena. Helburu hori betetzeko gazteek prestatzen dituzten ekitaldi kulturaletan parte hartu daitekela azaldu dute Gaztetxeko arduradunek.
Gaztetxeak eskaintzen dituen zerbitzuak indibidualki eta kolektiboki erabili daitezkeela gogorarazi dute: bulegoa, batzar-gela, eskulan eta jolasen txokoa, irakurketa txokoa, boulderra eta beheko solairuko erabilera anitzeko aretoa martxan jarri dituzte.