Tute, briska eta mus txapelketa jokatuko dute, datozen asteetan, Pasealeku jubilatuen elkarteak antolatzen duen karta-joko txapelketan izena ematen duten lagunek. Astelehenetik aurrera lehiatuko dira; tutean hamar, briskan bederatzi eta musean sei bikote. Azarorako Udalak eta Pasealeku elkartearen artean antolatuko duten bazkariarekin eta ondorengo sari banaketarekin emango dute aurtengo txapelketa amaitutzat.