Aritz Otxandiano alkatearen berbetan, aurrekontu “bideragarria” lotu dute, “ahalegin handia” eginez, eta, ohi denez inbertsio atalik dirutsuenak laguntzei lotuta daudela gaineratu du.
Urbiribil (230.000) eta San Martin inguruak(125.000) zaharberritzeko erabiliko da diru gehien. Ingurugiro balioak indartu eta ondare kultural-naturala berreskuratzeko, hurrenez hurren.
Ura eta energia
Bestalde, emakumeen egoerari buruzko diagnosia egingo dute, arlo horretan jorratu beharreko bidea zehazten laguntzeko. Uraren kudeaketa ikuspegi orokor eta integraletik lantzeko dirua ere gorde dute. Herriko aukera energetikoen aurrediagnosia egitera, berriz, 6.000 euro bideratuko dituzte, energia iturri berriztagarriak eta eraginkortasun energetikoa bultzatuz.
Gastu arruntaren barruan, bestalde, gune berdeen mantenurako atal berria (36.000) sortu dute; lehiaketa publikoan jarriko dute. Aitatzekoa da mantenimendu urbanistikorako atala gehitu dutela ere (45. 000 euro).
| Inbertsino nagusiak | |
| Urbiribil | 230.000 |
| San Martin | 125.000 |
| Seinalizazinoa eta panel digitala plazan | 120.000 |
| Urtegi inguruko bidegorria | 60.000 |
| Gaztetxea | 35.000 |
| Buzoiak auzoetan | 13.825 |
| Diagnosia emakumeen egoerari buruz | 12.000 |
| Beka: Memoria historikoa | 12.000 |
| Uraren kudeaketa estrategia | 12.000 |
| Andikona plazako egitasmoa | 12.000 |