Bide publikoetan terrazak eta beladoreak jartzeko eta honi dagozkion tasak arautuko dituen araudia onartu dute. Behin behineko eran zehaztu zuten uda aurretik araudi hori, orain, hasierako onarpena egin dute.
Mahai bat eta lau jarlekugatik 16,60 euro ordaindu behar da araudiaren arabera. Hori sei mahaitik behera jarriz gero. Sei eta hamar mahai artean jarrita, berriz, 20,34 euro ordainduko da mahai eta lau jarlekuko; eta, hamar mahaitik gora jarri gura izanez gero, 37,80 euro. Aitatu dezagun bestalde araudian estetikarekin lotutako baldintzak ere zehazten direla. Besteak beste, ez da propagandarik onartuko.