Udal biltegi lez erabiltzen den zerrategi zaharra konpondu gura du Udalak, eta horretarako 150.000 euroko diru-atala sartu dute 2007ko udal aurrekontuan.
“Oso zahartuta dagoen eraikina bota eta erria eraikitzea gura dugu”, argitu du Aritz Otxandiano alkateak. Hala ere, Bizkaiko Foru Aldundian %80ra arteko diru-laguntza eskatu dezakete, eta horixe egin dute.
Lanok noiz hasi daitezkeen zehazterik ez du izan Otxandianok; izan ere, Aldundiak zenbateko laguntza emango duen zain dagoz. Gainera, oraindino erantzunik jaso ez duten arren, Aldundiak “begi onez” ikusi izan du Otxandion egin gura duten gatz-biltegiarekin batera bideratzea udal biltegiaren obra. “Aldundiak gatz-biltegia eraikitzeko leku aproposa deritzo Otxandiori. Beraz, zerrategi zaharraren alboan eraikitzea proposatu dugu, eta bientzako lekua egokitzea: biltegirako eta gatz-biltegirako”, dio alkateak. Udalak Aldundiari lurrak utziko lizkio eta, ordainetan, Aldundiak biltegiaren obraren zati bati aurre egin.