Arau subsidiarioen berrazterketan dihardu Udalak azken hiru urtean, eta datozen hileotan egin gura dute behin-behineko onarpena. Ondoren, Bizkaiko Foru Aldundira bidali beharko dute dokumentua eta, horrela eskatuz gero, dagozkien zuzenketak eginda, behin betiko onartu beharko ditu Udalak Arau Subsidiario berriak.
Lan hori 190.000 bat euroan eman zuen Udalak, eta horri aurre egiteko diru-laguntza eskatu barri dute. Azken urte bietan ere eskatu izan dute diru-laguntza.