Sasoi batean pasiorako ibilbide moduan erabili zen Atzekolandetako ibilbidea berreskuratu gura izan du Udalak; horretarako, azkenean, 130.000 euro inguru bideratu dituzte udal ordezkariek.
Atzekolandetatik Hiltegi Zaharrerako bidea eta handik Presazelairainokoa atontzeko egitasmoa landu dute udal ordezkariek. Nahikoa narriatuta zegoen bide hori eta, batez ere eguraldi txarrarekin, putzuak sortu izan dira bide-ertzetan. Lanak hiru zatitan bideratu dituzte: Atzekolandetatik Hiltegi Zaharrerako zatia, lehenengo; handik Presazelairakoa, gero; eta azkenik, arotzeria- eta lorazaintza-lanak.