Gerrikoa estutzea, obra erraldoiak barik egingarriak egitea, diru sarrerak handitzea eta auzolana sustatzea dira zorra murriztearen arrazoietako batzuk. “Azken urteetako kudeaketak Mañariko Udalak egun egoera ekonomiko osasuntsua izatea ahalbidetu du”, adierazi du Endika Jaio alkateak.Aurten 31.000 euro bideratuko dituzte zorra amortizatzera eta 2026rako dena ordaintzea espero dute.
2011n, aurrekontuaren zenbatekoaren %111 zen zorra; gaur egun, %27koa da. Iaztik hona %6 murriztu dute. Iazkoa urte gakoa izan zen. Zorra aurrekontu osoaren %35 edo gutxiago izan arte soberakina, legez, zorretara bideratu behar zuten. Iaz langa horretatik jaitsi ziren (%33) eta dirua beste helburu batzuetara bideratzeko aukera eskaini zion udalari.