Izan ere, egitura hori dinamitaz lehertu zuten eguerdian, 13:00etan. Horrela, herriko udaletxea izateko eraiki zuten egitura eraistea erabaki zuten. Hamabost urtez, hormigoizko ‘eskeletoa’ nork osatuko zuen zain egon zen. Askok eta askok gogoratuko dute sasoi batean Mañariko jaietan txosnen aterpe izan zela eraikina. Eraisketa egunean mañariar ugari batu ziren plazan, zahar zein gazte. ANBOTO astekariak Martin Egia argazkilariak ateratako argazkia kaleratu zuen bere 15. alean.