Herriko elkarteei gutun bana bidali diete asmoen berri emanez. Parte hartzeko interesa dutenek azaroaren 15era arteko epea dute udalagaz hartu-emanetan jartzeko.
Bizkaiko Urtxintxa eskolaren aholkularitzagaz elkarlanean gauzatuko duten prozesua da eta helburu bi dituzte: elkarteen arteko elkarlana sustatzea eta iritzi zein beharrizanak jasotzea, eta udalaren eta elkarteen arteko harremana sendotzea.
Prozesua bi fasetan banatuko dute. Lehenengo, Urtxintxa elkarte bakoitzagaz harremanetan jarriko da. Gero, elkartekideekin hiru saio egingo dituzte. Ahalik eta elkartekiderik gehienekin egoteko asmoa erakutsi dute, diagnostikorik onena egin ahal izateko.