Lantegi tematikoak antolatu dituzte. Hau da, hiru batzar antolatu dituzte eta bakoitzean gai bat landuko dute. Denak udaletxean izango dira.
Lehenengo batzarra 15:30ean hasiko da eta jarduera ekonomikoen zein lurzoru industrialaren inguruan jardungo dute. 17:00etako batzarra natura ondarearen eta urbanizatu ezin daitekeen lurzoruaren gainekoa da. 18:30ean hasiko den azken batzarrean hiri-lurzorua (etxebizitza eremuak, aparkalekuak, bideak…) izango dute berbagai. Lantegi hauen bidez, proposamenaren gaineko hausnarketa egin gura dute denen artean, eztabaida bultzatuz, hurrengo hamarkadetako Mañaria zehazten lagunduko dien Plana osatzeko.