Etxebizitza hutsetako jabeen eta alokatzeko prest daudenen arteko bitartekaritza egingo lukete programa berriaren bidez. Lehenengoei, esaterako, etxea alokairuan jartzeko berme bat eskainiko lieke, eta bigarrenei, berriz, informazioa herrian bertan jasotzeko aukera, besteak beste.
Inbentarioak beste arlo batzuk zehatzago eramateko aukera ere eskainiko die. Esaterako, Ondasun Higiezinen Gaineko zergan %50eko errekargua jarriko diete etxebizitza hutsen jabeei datorren urtetik aurrera. Aldundiak egindako balio katastralen eguneraketaren ostean, aukera hori ahalbidetu die udalei. Inbentarioa “baliagarria” izango da kontu hori zuzen eramateko ere.