LAB sindikatuak azaldu du azaroaren 29an hasiko dela epaiketa Bilbon. Enpresariak 5 urte eta 6 hileko kartzela eskatu du eurentzat, eta fiskalak 2 urte eta 3 hilekoa. "Lanpostuak eta soldatak lapurtu ondoren enpresariak kartzelara bidali nahi ditu bi langileak", kritikatu du LABek. Gainera, fiskala enpresariaren alde ipini izana ere ez du ondo ikusi sindikatuak, eta jarrera hori larriagoa iruditzen zaio, "TMA enpresa Hiriko auzian sartuta" egon dela ohartaraziz.
Durango eta Gernikako epaitegietan gaia artxibatu ostean, Bilbotik dator epaiketa.
Elkarretaratzeaz gainera, osoko bilkuran mozioa aurkeztuko dute, bi beharginei babesa erakusteko. Hilaren 27an, bestalde, manifestazioa egingo da Markinan, 13:00etan. Gainera, atxikimendu kanpaina martxan ipini dute.