Udala enpresa eraikitzaileagaz akordiora heldu da, Endika Jaio alkateak azaldu duenez. Etxebizitzen proiektu hori hirigintza arauen arabera diseinatu zen, eta horregatik, 14 etxe altxatzea aurreikusita zegoen. Baina enpresak proposamen berri bat egin dio udalari: metro karratu berdinak erabilita, 28 etxe sortzea. Ordainetan, hiru etxe tasatuak izatea lortu dute.
Plan berezia
Horrela, hirigintza arauak kontuan hartuta, etxeen eraikuntzarako plan berezi bat onartu zuten azkeneko udalbatzarrean.
Argolabe enpresak egingo ditu etxeak, eta azaldu dutenez, oraindik Aldundiko tramiteak ere beharko dituzte, besteak beste. Horregatik, beste urtebetez, gutxienez, ez dira lanekin hasiko.