Umeen partaidetza indartzea da udalaren helburua: “Komunitateko partaideak diren heinean, erabaki esparruetan egoteko eskubidea daukate, eta beraien parte-hartzea bermatu behar dugu”. Umeen interes eta nahiak ezagutzeko, tailer bi egingo dituzte, urriaren 23an eta azaroaren 6an. Abenduaren 18an, ondorioak azalduko dituzte umeek, jendaurrean.
Bestalde, herritar guztiei ere proposamenak egiteko gonbita luzatu die udalak. Urriaren 26a baino lehen, udaletxera eraman beharko dira banatu dituzten fitxak, edota bestela, partaidetza.manaria@bizkaia.org helbidera ere bidali ahal dira. Ekarpen guztiak jaso ostean, batzar zabala deituko dute abenduaren 11rako, eta udal teknikariekin batera proposamenak aztertuko dituzte.