Tresnak eskuetan hartu, eta auzo bideak garbitzera irtengo dira berriro mañariarrak zapatu honetan, hilaren 20an. Joan zen astean egin zuten auzolanaren lehenengo txanda, eta zapatukoa bigarrena izango da. Auzo bideak eta ubideak garbitzea da zeregina. Udalak antolatu du auzolana, eta deialdira 30 bat lagun animatu direla azaldu du Endika Jaio alkateak. “Parte hartu gura duenak badu denbora oraindik izena emateko”. Herritarrek izena eman dezatela eskatu dute, lana horren arabera antolatzeko.
27an, bazkaria
EH Bilduren gobernu taldeak azken urteetan sustatutako dinamika da. Urtero auzolan egunak egiten dituzte sasoi honetan, baina urtean ere garatzen dituzte ekintza batzuk; azokako lanetan laguntzea eta pilotalekuko kristalak garbitzea, adibidez. Bazkaria prestatuko du udalak ekainaren 27rako, boluntarioei eskerrak emateko.