Jaialdia 12:00etan hasiko dute, sokatira lehiaketagaz, eta, ondoren, 14:00etan, herri bazkarian elkartuko dira. Bazkalostean triki-poteoa egingo dute, eta 19:00etatik aurrera hainbat kontzertu eskainiko dituzte. Lehenengo emanaldia Errekondo tabernan ikusi ahalko da, Deiedra taldearen eskutik. Gero, 21:30ean, plazan jarraituko du musika emanaldiak. Mocker’s, Screamers&Sinners, Dirty Brothers eta Bilbomatiks taldeek joko dute plazako agertokian. Antolatzaileek jakinarazi dute kontzertu guztiak doan izango direla.
Black&White punk magazina, Pots&Crime diskoetxea eta Lokal IX bilgunea dira garagardo jaia antolatu dutenak.