28.700 euro erabiliko dituzte proiektu horiek guztiak aurrera eramateko. Esaterako, parke gorrian nagusiek gimnasia egiteko tresnak ipintzeko 5.000 euro hartuko dituzte. Erabaki garrantzitsu bat udalekuen eskaintza zabaltzea izan da; orain arte, uztailean, pare bat astetan garatzen ziren, eta, aurten, uda osoan zein Gabonetan egongo da zerbitzua. 7.000 euro gorde dituzte ekimen horretarako.
Jaiok gogoratu du onartutako ekintzak egia bihurtzen direla, eta herritarrak hurrengo partaidetza saioetan parte hartzera animatu ditu.