Endika Jaio alkateak azaldu du alegazioak aurkeztu dituztela harrobiaren ardura duen enpresak, partikularrek eta Jaurlaritzako Ingurumen Sailak. Adibidez, erreka alboan harea piloak dauzka enpresak, eta inguru hori berreskuratzeko plana sei hiletan aurkeztu beharko du, urtebetean beharrean.
Jaiok adierazi du plan hau “aspaldi” egin behar zela, 2002ko udal arauek eskatzen zutelako. “Ingurumenari ahalik eta min gutxien egitea“ izan da oinarria. Txostena Aldundira bidaltzea da hurrengo pausoa.