Lagun-taldeak eta nagusien taldeak joan dira batez ere, eta udaberrirako eskola umeak etortzea aurreikusi du. Museoagaz batera, ikasleei herria ezagutzeko aukera eskaintzea ere aztertzen dabiltza museokoak. Astegunetan 17:00etatik 19:00etara dago zabalik, eta zapatu eta jaiegunetan goizez ere bai.
Beste pieza bat
Oskoldunak izeneko erakusketa martxan dago Hontza museoan, eta hemendik aurrera beste fosil bat egongo da ikusgai. Izan ere, Donostiako Aquariumak Nautilus pompilius espezieko muskuilu bat eman dio dohaintzan. Muskuilu berezia da, kanpoko maskorra daroan bakarretakoa delako bere sailean.