Olioa era egokian birziklatzeko deia egin du Mañariko Udalak

Anboto 2014ko apirilaren 26a

Mañarian olioa batzeko kontainerra daukate, beste herri askotan lez, baina herritar batzuek ez dute ondo erabiltzen, eta horregatik abisua eman du udalak. Edukiontzi horretarako beren-beregi egindako pote batzuk erabili behar dira, eta udaletxean eskuratu ahal dira.

 

Potea kontainerrean sartzean, kontainerrak hutsik dagoen bat ematen du bueltan. Baina zenbaitek olioa edozein botilatan edo potetan uzten du kontainerraren kanpoaldean, eta bilketa zerbitzukoek ez dituzte botila horiek eramaten. Beraz, udalari garbigunera eroateko lana ekartzen dio horrek.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!