Ainara Areitio zinegotziak azaldu du pozik daudela orain arte edukitako harreragaz: "Hilero-hilero parte hartzen dutenen kopurua handitzen doa". Otsaileko poteo girotuan 30 bat lagunek parte hartu zutela azaldu du.
Gainera, hasieran musikarien laguntzarik barik hasi ziren kantuan. Baina, azkeneko bietan txistulari baten eta panderojole baten laguntza eduki dute.
Barikurako hitzordua
Datorren barikurako hitzordua Herriko tabernan ipini dute, arratsaldeko 19:30ean. Handik tabernaz taberna joango dira giroa alaitzeko asmoz. Antolatzaileek bertaratzera animatu dituzte herritar guztiak, eta musika tresnarik edukiz gero, eroateko deia egin dute.