Durangaldeko zazpi dantza talde egongo dira.
130 umek egingo dute dantzan domekan, Mañariko Euskal Jaian. Durangaldeko zazpi dantza taldek parte hartuko dute: Mañaria, Elorrio eta Atxondotik bana, eta Abadiño eta Durangotik bina eroango dituzte. Mañariko Andra Mari elkarteak antolatzen du jaia urte birik behin.
12:00etan hasiko da jaia, kalejiragaz. 13:00etan, umeak batuko dituzte eta etxeetara bazkaltzera eroan. Usadio bihurtu da hori: herritarrek dantzariak jasotzen dituzte etxean eta bazkaltzen ematen diete. Eguneko zita garrantzitsuenetako bat alardea izango da, 17:00etan hasita.
Santa Ursula eguna
Bestalde, astelehenean herriko berezko patroiaren eguna ospatuko dute, Santa Ursula. Udalak eta jubilatuek meza, bazkaria eta erromeria prestatu dituzte.