Ikasturte berriagaz batera, hainbat ikastarotan apuntatzeko aukera eman du udalak. Irailaren 20ra bitartean, gimnasia ikastaroetan izena eman ahal izango dute mañariarrek. Mantentze-gimnasia deitzen den ikastaroa martitzen eta eguenetan garatuko da, 19:00etatik 20:00etara. Pilatesekoa, ostera, astelehen eta eguaztenetan, ordutegi beragaz.
Mantentze-gimnasian apuntatu gura duten herritarrek, 75 euro ordaindu beharko dute urteko kuota. Pilates ikastaroaren kasuan, ez dago zehaztuta; izena ematen duen jende kopuruaren araberakoa izango da prezioa.
Bestalde, aurten ere umeentzako ingeles ikastaroa eskainiko du udaleko kultura arloak. Astelehen eta eguaztenetan emango dituzte eskolak, 17:30etik 18:30era. Adina kontuan hartuta, talde bi sortzea da antolatzaileen asmoa. Martxan dagoen ikastaro bat esku-pilotakoa da, martitzenean hasi zuten-eta ikasturtea. Arratsaldeko 17:30etik aurrera ikasiko dute gazteek pilotan jokatzen. Martitzen eta eguenetan elkartuko dira pilotalekuan.