Udaletxean edo liburutegian apuntatu behar da.
Mañariko Udalak irteera kultural bat eratu du uztailaren 13rako: Añanako Gatz Haranera bisita. Ekimenaren berri eman dute, esanez oraindik badagoela izena emateko aukera; hilaren 10ean amaituko da epea. Udaletxean edo liburutegian apuntatu beharko dute interesdunek.
Goizeko 09:30ean irtengo dute Mañaritik, autobus geltokitik. 11:00etarako, Añanara helduko dira, eta bisita egingo dute. Amaitzean, Gasteizera joango dira bazkaltzera. 14:00etan batuko dira mahaiaren bueltan. Arratsalderako plan bi ipini dituzte aukeran: arratsaldepasa egitea Gasteizen, edota katedrala bisitatzea. Bisita horrek 8,5 euro balio du, eta izena ematean abisatzeko eskatu dute. Irteeraren prezio orokorra hogei eurokoa da.