Gaur Gipuzkoa aldera egunpasa joango dira hainbat mañariar. Herriko nagusien Ursula Donea elkarteak antolatu du ekintza, eta goizeko 09:30ean ipini dute txangorako hitzordua.
Donostiara ailegatzean, goiza libre edukiko dutela esan dute antolatzaileek; bakoitzak bere plana egin ahal izango du. Eguerdian bazkaltzera joango dira guztiak, Aginaga sagardotegira. Ostean, Zarautzen arratsaldepasa egingo dute, azaldu dutenez.
Ursula Donea elkarteko bazkideek 25 euro ordaindu dituzte ekintzan parte hartu ahal izateko, eta bazkide ez direnek, ostera, 30 euro.